Аксияи «Тозагии маҳал» ва “Тозагии соҳил» дар ноҳияи Шаҳристон

Дар доираи нақшаи чорабиниҳо оид ба омодагӣ ба таҷлили ҷашнҳои дарпешистода, бо мақсади ҷалб намудани оммаи васеи аҳолӣ ба корҳои ободониву тозагии муҳити атроф дар мавзеи Хуррамдараи ноҳияи Шаҳристони вилояти Суғд аксияи “Тозагии маҳал” ва “Тозагии соҳил” доир гардид. Дар аксияҳои мазкур кормандони бахши ҳифзи муҳити зист, МД хоҷагии ҷангали ноҳия, бахши кор бо ҷавонон, аҳолии ҷамоатҳо, тақрибан 100 нафар иштирок доштанд. 

Дар рафти баргузории аксияи болозикр минтақаҳои истироҳатӣ, соҳилҳои кӯл ва ҷӯйборҳо аз партовҳо тоза карда шуд.

Аз мавзеи истироҳатӣ 4 тонна партов бароварда шуда, 25 адад қуттиҳо барои партофтани партов гузошта шуд.