Санаи 30 марти соли равон дар маркази ноҳияи Рӯдакӣ фестивали «Сайри гули лола» ва «Ҳунар аз зар беҳ бувад» баргузор гардид. Дар фестивали мазкур бо иштироки ҷамоатҳои шаҳраку деҳот ва муассисаҳои таҳсилоти миёнаи умумии ноҳия намоиши тасвири гулҳо, навохтани асбобҳои миллӣ ва рақсҳои мавзун ба маърази тамошобинон гузошта шуд. Дар ин фестивал шуъбаи ҳифзи муҳити зисти ноҳияи Рӯдакӣ бо намоиши гулҳои тару тоза иштирок намуда, бо гирифтани Сипоснома мушарраф гардид.