Ба танзим даровардани ҷойгиронии партовҳои истеъмолӣ дар нуқтаҳои ҷамъоварии муваққатии партовҳо ва ҳамзамон пешгирии ҷойгиронии партовҳо дар ҷойҳои ғайрирасмӣ масъалаҳои мубрами рӯз буда, дар мадди аввали назари кормандони мақомоти ҳифзи муҳити зист мебошад. Бо ин мақсад аз тарафи бахши ҳифзи муҳити зисти шаҳри Истаравшан дар бозори марказии ҷамоати шаҳраки Гули Сурхи шаҳр 4 адад лавҳаҳои огоҳӣ ҷиҳати ҷойгиронии партовҳо дар ҷойҳои муқарраргардида насб карда шуд.

Дар баробари ин, бо мақсади баланд бардоштани маърифатнокии аҳолӣ доир ба муҳити зист бо соҳибкорону кормандони бозор корҳои тарғиботӣ ва фаҳмондадиҳӣ гузаронида шуд, ки ҳадафи ин амалҳо барои сазовор ҷашн гирифтани 30-солагии Истиқлолияти давлатии Ҷумҳурии Тоҷикистон бахшида шудааст.