| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Вохӯрии навбатии раиси Кумитаи ҳифзи муҳити зист бо намояндаи Бонки Осиёгии Рушд дар ҳошияи Конфросни 26
    Ахбор

    Вохӯрии навбатии раиси Кумитаи ҳифзи муҳити зист бо намояндаи Бонки Осиёгии Рушд дар ҳошияи Конфросни 26

    Дар ҳошияи Конфронси 26-уми тарафҳои Конвенсияи СММ оид ба тағйирёбии иқлим, дар шаҳри Глазгои Шотландия, санаи 8 ноябри соли равон вохӯрии раиси Кумитаи ҳифзи муҳити зист Шерализода Б. А. бо хонум Кейт Хюгз - намояндаи Бонки Осиёгии Рушд оид ба масъалаҳои иқлим баргузор гардид.

    Дар вохӯрӣ масъалаҳои татбиқи лоиҳаҳо бо маблаггузории Бонки мазкур дар самти тағйирёбии иқлим татбиқшаванда, инчунин таҳия ва татбиқи кумакҳои техникӣ дар самти амалӣ намудани саҳми тахминии дар сатҳи миллӣ муайянгардида (NDC) оид ба коҳиш додани ихроҷи газҳои гулхонагӣ дар Тоҷикистон дар таҳрири нав, ки моҳи октябри соли равон таҳия ва қабул гардид, муҳокима гардиданд.

    Аз ҷумла, аз ҷониби раиси Кумита кайд гардид, ки айни замон накшаи амали ҳуҷҷати мазкур мавриди таҳия қарор дорад ва пас аз анҷоми таҳияи он Кумитаи ҳифзи муҳити зист тасмим гирифтааст, ки дар давоми соли 2022 конференсияи байналхалқӣ оид ба маблағгузории NDC бо иштироки шарикони рушд, созмонҳои байналхалқӣ ва давлатҳои маблағгузор баргузор намояд.

    Дар ин самт намояндаи Бонки Осиёгии Рушд изҳор намуд, ки Бонк омода аст дар марҳилаи аввали татбиқи NDC ба Кумитаи ҳифзи муҳити зист кумаки техникӣ расонад.

    Инчунин, дар вохӯрӣ масъала дар бораи то охири соли 2021 дар шаҳри Душанбе баргузор намудани семинари миллӣ оид ба муаррифӣ намудани NDC ба вазорату идораҳои дахлдори ҷумҳурӣ ба мувофиқа расида шуд.

    Дар анҷоми вохӯрӣ тарафҳо ба мувофиқа расиданд, ки оид ба масъалаҳои болозикр намояндагони Кумитаи ҳифзи муҳити зист ва Бонки Осиёгии Рушд оид ба таҳия ва пешниҳодҳои мушаххас иловатан ҳамкорӣ менамоянд.


    Бозгашт