Вазифаи асосӣ: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон мушоҳидаҳои иқлимӣ ва ҳолати муҳити зистро ба анҷом расонида, дар асоси маълумотҳои бадастоварда пешгӯии обу ҳаво, обнокии дарёҳои ҷумҳурӣ, огоҳонидан аз сар задани офатҳои табиӣ (сел, тарма, боришоти шиддатнок, жола, шамол ва обхезӣ)-ро омода намуда, пешниҳоди аҳолӣ мегардонад. Маълумот дар бораи реҷаи обуҳавошиносӣ ва дараҷаи ифлосшавии муҳити зист ҷиҳати чораҷӯӣ манзури соҳаҳои мухталифи иқтисодиёти ҷумҳурӣ, аз қабили, хоҷагии об, энергетика, нақлиёти ҳавоӣ ва рӯизаминӣ, ҳифзи муҳити зист ва кишоварзӣ гардонида мешаванд.