Тасдиқи нақшаи гул ва ниҳолшинонӣ дар пойтахт
Тибқи маълумоти Раёсати ҳифзи муҳити зисти шаҳри Душанбе Қарори Раиси шаҳри Душанбе аз 20 октябри соли 2021, №609 “Дар бораи тасдиқи Нақшаи чорабиниҳо оид ба ниҳолшинонию сабзкорӣ дар мавсими тирамоҳи соли 2021 ва баҳори соли 2022 дар шаҳри Душанбе” мавриди амал қарор дода шуд.
Мувофиќи нақшаи тасдиқшуда дар мавсими тирамоҳи соли 2021 ва баҳори соли 2022 дар ҳудуди ноҳияҳои пойтахт ба миқдори 263,644 бех ниҳол, аз ҷумла, 77,071 бех дарахтони сояафкан, 66,277 бех дарахтони ороишӣ, 23,156 бех дарахтони буттагӣ ва 97,140 бех дарахтони мевадиҳанда шинонида мешавад.
Бо мақсади таъмини сарсабзию хуррамгардонӣ ва ободу зебо нигоҳ доштани гулгашту хиёбон ва боғҳои фарҳангу фароғатӣ дар мавсими тирамоҳ ва баҳори солњои 2021-2022 ба миқдори умумии 12,305,082 адад гул шинонида мешавад, ки аз ин 8,115,180 адад гулҳои мавсимӣ, 2,126,432 адад гулњои бисёрсола ва 2,063,470 адад гулњои лола мебошад.
Инчунин, баҳри сарсабз нигоҳ доштани муҳити атроф дар майдончаҳои махсус 73925,2 м2 сабза кишт карда мешавад.