| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Семинари омӯзишӣ бо иштироки омӯзгорони МТМУ ва мураббияҳои боғчаҳои пойтахт
    Ахбор

    Семинари омӯзишӣ бо иштироки омӯзгорони МТМУ ва мураббияҳои боғчаҳои пойтахт

       Санаи 21 октябри соли равон дар толори муассисаи таҳсилоти миёнаи умумии №8-и ноҳияи Исмоили Сомонии шаҳри Душанбе дар якҷоягї бо Сарраёсати ҳифзи муҳити зисти шаҳри Душанбе ва Маркази Орхуси Душанбе вобаста ба иҷрои “Барномаи давлатии маҷмӯии рушди тарбия ва маърифати экологии аҳолии шаҳри Душанбе барои солҳои 2021-2025” семинари омӯзишӣ баргузор гардид.

           Дар чорабинӣ муовини сардори Сарраёсати маорифи ш. Душанбе, намояндагони муассисаҳои таълимӣ ва муассисаҳои томактабии пойтахт иштирок намуданд. Дар назди ҳозирин аз тарафи мушовири Маркази Орхуси Душанбе, сармутахассиси Раёсати ҳифзи муҳити зисти ш. Душанбе С.Акрампур, омӯзгорони як қатор муассисаҳои таҳсилоти миёнаи умумии пойтахт дар мавзӯи сиёсати экологии Ҳукумати Ҷумҳурии Тоҷикистон, ташаббусҳо оид ба масъалањои об,  вазъи экологии ш. Душанбе ва раванди иҷроиши нақша-чорабиниҳои Барномаи давлатии маҷмӯии рушди тарбия ва маърифати экологии аҳолии шаҳри Душанбе барои солҳои 2021-2025 маърӯзаҳо қироат гардид.  

    Ќайд гардид, ки бо назардошти баланд гардидани сатҳи маърифатнокии аҳолӣ Раёсати ҳифзи муҳити зисти ш.Душанбе ва Маркази Орхуси назди Кумита ҳамчунон баҳри баланд гардидани фарҳанги шаҳрнишинӣ, тарғиби донишҳои экологӣ, боло бурдани завқи зебоипарастии наврасону ҷавононон гузаронидани чорабиниҳои амалии муҳитзистиро бо ҷалби иштироки хонандагони муассисаҳои таълимии миёнаи умумӣ, доништалабону донишҷӯёни коллеҷҳои касбию техникӣ ва донишкадаҳои олӣ  тибқи талаботи барномаи мазкур дар нақша дорад. 

       


    Бозгашт