| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Сафари кории навбатии раиси Кумита Шерализода Б. А. ба ноҳияи Мурғоби ВМКБ
    Ахбор

    Сафари кории навбатии раиси Кумита Шерализода Б. А. ба ноҳияи Мурғоби ВМКБ

    Санаи 4 апрели 2022 раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон ба ноҳияи Мурғоби ВМКБ сафари корӣ анҷом дод. Дар аснои сафар раиси Кумита аз рафти корҳои сохтмони парваришгоҳи ҳайвоноти нодир (вольер) шинос шуда, ҷиҳати сари вақт ба анҷом расонидани сохтмони иншооти мазкур ба масъулони иҷро дастуру тавсияҳои мушаххас доданд.

    Ҳамзамон, гурӯҳи корӣ таҳти роҳбарии раиси Кумита бо сокинони ҷамоатҳои дурдасти ноҳия, аз ҷумла ҷамоатҳои Кизилработ, Шаймок, Каракул ва Рангкӯл вохӯриҳо гузаронида шуд.

    Ҳадафи сафару вохӯриҳо ин мавриди баррасӣ қарор додан ва фаҳмондани супоршҳои давлатию ҳукуматӣ ҷиҳати сазовор пешвоз гирифтани Ҷашни 35-солагии Истиқлолияти давлатии Ҷумҳурии Тоҷикистон ва Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро ба Маҷлиси Олии Ҷумҳурии Тоҷикистон ташкил медод. Вохӯриҳо дар сатҳи хубу хотирмон сурат гирифта, аз ҷониби сокинон хуб пазируфта шуд.

    Ҳамчунин, дар рафти ин сафар аз иншоотҳои старатегӣ ва ҷашнӣ, парваришгоҳ, нерӯгоҳ, майдони нишон ва парчам, муассисаҳои таълимӣ, касалхонаҳо ва ғайра дидан карда шуд.

    Инчунин, 6 апрел вохӯрии машваратии ҷамъбастӣ бо фаъолони ноҳия баргузор гардид, ки раиси Кумита, роҳбарияти ВМКБ ва котиби шӯрои амнияти Точикистон иштирок ва суханронӣ намуданд.

     


    Бозгашт