| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲО
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Рейдҳои муштарак
    Ахбор

    Рейдҳои муштарак

    Раёсати ҳифзи муҳити зисти шаҳри Душанбе дар ҳамкории муштарак бо Шуъбаи Раёсати экологӣ ва сайёҳии ВКД Ҷумҳурии Тоҷикистон дар шаҳри Душанбе дар давоми 9 моҳи соли ҷорӣ ҷиҳати беҳтар намудани ҳавои атмосфера ва бо роҳандозӣ намудани рейдҳои фаврӣ як қатор қонуншиканиҳоро дар самти ҳифзи муҳити зист пешгирӣ намуд. Тибқи нақшаи чорабиниҳои тасдиқшуда рейдҳо асосан дар нуқтаҳои даромадгоҳи чор самти шаҳри Душанбе ва кӯчаву хиёбонҳои протоколӣ доир гардиданд.

    Дар аснои гузаронидани рейдҳо маълум гардид, ки ронандагон ва масъулини иншоотҳои сохтмонӣ ба қоидаҳои тозагии саллачархҳои воситаҳои нақлиёт, ки ҳангоми ҳамлу нақли боркашонӣ боиси ифлос гардидани кӯчаҳо мегардад, аҳамияти ҷиддӣ намедиҳанд. Ҳамин беэътиноӣ боис гардид, ки дар ин давра барои ифлос кардани роҳҳо 14 протокол ва 318 ҳолати беболопӯш кашонидани борҳои пошхуранда протоколи ҳуқуқвайронкунии маъмурӣ тартиб дода шуд.

    Ҳамзамон, ҳангоми гузаронидани санҷиши воситаҳои нақлиёт, ки заҳрнокии партови сӯзишвории нақлиёташон (СО2) аз меъёр зиёд аст, нисбати 1102 ронанда протокол тартиб дода, барои чораҷӯї ба мақомоти дахлдор ирсол гардид.

    Дар ин зимн, ёдрас мешавем, ки ҳангоми гузаронидани рейд ва санҷишҳои фаврӣ барои тоза нигоҳдории манбаъҳои обӣ, махсусан дар соҳили дарёҳо рейд доир гашта, нисбати 77 нафар протокол таҳия гардид.

    Раёсати ҳифзи муҳити зисти шаҳри Душанбе дар давоми нуҳ моҳи сипаришуда дар ҳамкорӣ бо Шуъбаи Раёсати экологӣ ва сайёҳии ВКД Ҷумҳурии Тоҷикистон дар шаҳри Душанбе 1404 адад қонунвайронкуниро дар самти ҳифзи муҳити зист ошкор ва парвандаҳои маъмурӣ тартиб дод.


    Бозгашт