| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Реҷаи ҷойгиронии партовҳо дар шаҳри Душанбе
    Ахбор

    Реҷаи ҷойгиронии партовҳо дар шаҳри Душанбе

    Раёсати ҳифзи муҳити зисти шаҳри Душанбе вобаста ба иҷрои Қарори Раиси шаҳри Душанбе “Дар бораи тасдиқи тартиби ҷамъоварӣ, баровардан, коркард ва безараргардонии партовҳои сахти маишӣ дар ҳудуди марзию маъмурии шаҳри Душанбе” санҷишу рейдҳо гузаронида, нисбати қонуншиканиҳо дар ин самт протоколҳои маъмурӣ тартиб медиҳад.

    Дар ин зимн, кайд намудан бамаврид аст, ки тибқи талаботи қарори болозикр шаҳрвандон вазифадор ҳастанд, то партовҳои маишии хоҷагиашонро аз соати 17 00 то 23 00 дар нуқтаҳои партовҷамъкунӣ ҷойгир намоянд. Бино ба иттилои расмї, дар шаҳри Душанбе ба ҳолати соли 2021 ба миқдори 1707 нуқтаҳои партовҷамъкунӣ мавҷуд буда, аз ин миқдор 673 адад дар шаҳраку маҳаллаҳо, 465 адад дар корхонаҳо ва 569 адади он шахтаҳоро ташкил медиҳад. Таҳлилҳо нишон медиҳад, ки аз соли 2017 то имрӯз 178 адад нуқта ва шахтаҳои партовпартоӣ зиёд шудааст.

    Дар аснои гузаронидани санҷишу рейдҳо маълум гардид, ки то ҳанӯз аз тарафи шаҳрвандон реҷаи баровардани партов риоя нагардида, партовҳо дар гирду атрофи нуқтаҳо паҳну парешон ҷойгир карда мешаванд. Бо назардошти риоя нагардидани реҷаи ҷойгир намудани партов, ҷойгир намудани партов дар ҷойҳои номуайян ва хилофи фасли 5-и Қоидаҳои тартиботи ҷамъиятӣ, ободонӣ ва санитарӣ дар шаҳри Душанбе муносибат кардан дар ҷойгиронии партовҳои сахти маишӣ дар давоми ҳашт моҳи соли ҷорӣ аз тарафи нозирони Раёсати ҳифзи муҳити зисти шаҳри Душанбе 592 протоколи маъмурӣ тартиб дода шудааст.

    Гузашта аз ин, Раёсати ҳифзи муҳити зисти шаҳри Душанбе бо мақсади баланд бардоштани маърифат ва тарбияи экологии аҳолӣ, фарҳанги шаҳрнишинӣ ва татбиқи амалишавии “Барномаи давлатии маҷмӯии рушди тарбия ва маърифати экологии аҳолии шаҳри Душанбе барои солҳои 2021-2025”   бо сокинони шаҳраку маҳаллаҳо, муассисаҳои таълимӣ, донишгоҳҳои олии пойтахт суҳбату вохӯриҳоро роҳандозӣ намуда, ба ҳамсӯҳбатон риояи талаботҳои қонунҳои амалкунанда дар самти ҳифзи муҳити зист таъкид карда мешавад.

      

    
    Бозгашт