Равнақи корҳои ободонӣ дар Душанбе

                                                                

Бо мақсади таъмини сарсабзию шукуфоӣ ва ба шаҳри “сабз” табдил додани Душанбешаҳр дар доираи иҷрои қарори Раиси шаҳри Душанбе дар мавсими тирамоҳи соли 2022 ва баҳори соли 2023 дар шаҳри Душанбе ба миқдори 193499 бех ниҳолҳои ороишӣ, сояафкан, мевадиҳанда ва ниҳолҳои буттагӣ дар ҳудуди ноҳияҳои пойтахт шинонида мешавад.

Тибқи маълумоти шуъбаи ободонӣ ва кабудизоркунии Дастгоҳи Раиси шаҳри Душанбе дар ҳудуди шаҳраку маҳалла, гулгашту хиёбон ва боғҳои фарҳангу фароғатии ноҳияҳои пойтахт дар мавсими кабудизоркунии имсола ба миқдори 238287 бех ниҳол, аз ҷумла 46951 бех сояафкан, 114882 бех ороишӣ, 17459 бех буттагӣ ва 58995 бех мевадиҳанда шинонида шуд.

Гузашта аз ин, баҳри сарсабзу хуррамгардонии муҳити зист то имрӯз дар боғҳои фарҳангу фароғатӣ ва гулгаштҳо ба миқдори 9104983 дона гулҳои мавсимӣ ва бисёрсола шинонида шуд, ки аз ин 1876372 дона гули мавсимӣ, 1554694 дона гули бисёрсола ва 5700917 дона гули лола мебошад.

Дар асоси дастури мақомоти иҷроияи ҳокимияти давлатии шаҳри Душанбе бо мақсади дар ҳолати сарсабз нигоҳ доштани навниҳолон, сари вақт обёрии дарахтон ва эмин мондани дарахтон аз касалиҳои занбурӯғӣ бо дастгирии мақомотҳои иҷроияи ҳокимияти давлатии ноҳияҳои Исмоили Сомонӣ, Сино, Фирдавсӣ ва Шоҳмансур дарахтони гулгашту хиёбон ва боғҳои фарҳангу фароғатӣ аз ҷониби ширкати “Фавз” коркарди кимиёвӣ гузаронида шуда истодааст.

Бояд таъкид намуд, ки маъракаи кабудизоркунӣ зери назари мутахассисони соҳа сурат гирифта, тибқи пешниҳоди онҳо шинонидани дарахту буттаҳои навъи кедр, чинор, санавбар, клён, туя, можжевелник, каштан, булут, кипарис, олу, себ ва сирен амалӣ шуда истодааст.