Ҷаласаи дуюми роҳабарони вазорату идораҳои ҳифзи муҳити зисти давлатҳои аъзои СҲШ ҷамъбаст гардид

Ҷаласаи дуюми роҳабарони ҳифзи муҳити зисти вазорату идораҳои давлатҳои аъзои Созмони ҳамкории Шанхай, ки давоми 2 рӯз дар меҳмонхонаи «Hyatt Regency» идома ёфт, имрӯз 29 июл ҷамъбаст грдид.

Дар ҳамоиши мазкур изҳороти роҳбарони ҳайатҳо дар бораи ҳолат ва дурнамои рушди ҳамкорӣ дар соҳаи ҳифзи муҳити зисти кишварҳои аъзои СҲШ ва иттилооти ҷониби Тоҷикистон ҷиҳати ташкили Гурӯҳи махсуси кории давлатҳои аъзои СҲШ оид ба ҳифзи муҳити зист шунида шуд.

Масъалаҳои асосии баррасишуда дар ҷаласаи дуюми роҳбарони вазорату идораҳои ҳифзи муҳити зисти давлатҳои аъзои СҲШ ин рушди ҳамкорӣ дар соҳаи экология барои кишварҳои аъзои СҲШ, алалхусус барои кишварҳои Осиёи Марказӣ буд. Дар ин замина, бинобар тағйирёбии иқлим ва хушк шудани баҳри Арал, обшавии босуръати пиряхҳо, норасоии захираҳои об, биёбоншавҳ, хушксолӣ, шӯршавӣ ва таназзули хок, бад шудани сифати ҳаво дар кишварҳои Осиёи Марказӣ, ки дар маркази таваҷҷуҳи СҲШ мебошанд, ба назар мерасад. Дар ин бора ин масъалаҳо дар сухани ифтитоҳии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон қайд гардид.

Ҳамзамон, масъалаҳо дар бораи лоиҳаи Нақшаи чорабиниҳо оид ба татбиқи амалии Консепсияи ҳамкорӣ дар соҳаи ҳифзи муҳити зисти кишварҳои узви СҲШ барои давраи 2022-2024, дар бораи натиҷаҳои Конфронси Осиёи Марказӣ оид ба тағйирёбии иқлим «Ҳамкории минтақавӣ барои ояндаи устувори иқлим», ки рӯзҳои 26-27 июли соли 2021 дар Душанбе баргузор гардид, иттилооти ҷониби МЭМОМ дар бораи вақт ва макони баргузории ҷаласаи навбатии роҳбарони вазорату идораҳои экологии кишварҳои узви СҲШ мавриди баррасӣ қарор дода шуд.

Бо назардошти муколамаи дастаҷамъӣ ва ироаи таклифу пешниҳодҳо ҳуҷҷатҳои ниҳоӣ қабул карда шуданд.