Аксияи экологии «Тозагии маҳал» дар шаҳри Турсунзода
Баҳри иҷрои супоришҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва дар асоси нақшаи чорабиниҳои шуъбаи ҳифзи муҳити зист дар шаҳри Турсунзода 2 марти соли равон аксияи экологии “Тозагии маҳал” ташкил ва баргузор гардид. Чорабинии мазкур дар деҳаҳои Регар ва Боймирзоев Гулмирзо ҷамоатҳои Пахтаобод ва Регар гузаронида шуд.
Дар ин чорабини беш аз 100 нафар сокинону кормандони касбу кори гуногун иштирок намуданд. Инчунин, техникаҳои борбардору боркаш сарфарбар карда шуд, ки дар натиҷа 4 метри кубӣ партовҳо ҷамъоварӣ ва ба партовгоҳи расмии шаҳри мазкур интиқол дода шуданд. Дар умум ба масоҳати 2 км аз ҳаргуна партовҳо тоза гардид.