Барномаи телевизионии мустақими «Пайванд» бахшида ба масъалаҳои экологӣ             

                                          

Тибқи нақшаи иштирок ва баромади аъзои Шӯрои мутобиқсозию методӣ оид ба таълим ва тарбияи ҳуқуқии шаҳрвандони вилоят ва дигар сохтору мақомоти давлатӣ барои соли 2025 тавассути телевизиони вилояти Суғд, дар барномаи мустақими «Пайванд» чор нафар сардорони шуъба ва сармутахассисони Сарраёсати ҳифзи муҳити зист дар вилоят иштирок намуданд. Мавзӯи барномаи мазкур ба рафти иҷрои «Барномаи давлатии кабудизоркунии Ҷумҳурии Тоҷикистон барои давраи то соли 2040», маърифати экологии аҳолӣ ва вазъи экологии вилоят бахшида шуд.

Қайд кардан ба маврид мебошад, ки ташкили чунин барномаҳо барои рушди тарбия ва баланд бардоштани маърифати экологии аҳолӣ саҳми назаррас дошта, дар рафти барномаи мустақим аз ҷониби сокинони шаҳру ноҳияҳо саволҳо ба кормандони сарраёсат дода шуд ва ба аксарияти онҳо дар доираи вақти барномаи телевизионӣ ҷавобҳои мушаххас пешниҳод гардид.