Омӯзиши Паём бо иштироки кормандони Кумита ва зерсохторҳои он               

                                          

Ҳафтаи равон дар Кумитаи ҳифзи муҳити зисти назди Ҳукумати Ҷумҳурии Тоҷикистон таҳти раёсати роҳбарияти Кумита вобаста ба омӯзиши Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024, ҷамъомад баргузор гардид.

Дар робита ба ин иброз дошта шуд, ки Паёми Президенти Ҷумҳурии Тоҷикистон китобест мукаммалу санҷидашуда аз як соли дастовардҳои ҳамаи соҳаҳои мамлакат ва вазифаҳо барои соли баъдӣ баҳри ноил шудан ба ҳадафҳои стратегӣ, иҷрои нақшаю барномаҳои давлатӣ ва дар маҷмӯъ боз ҳам баланд бардоштани сатҳи зиндагии аҳолии кишвар баён гардид. Паём дастури доимӣ барои ҳар як корманди соҳавӣ, талошу заҳматҳо дар пайи амалигардонии вазифаҳои базимагузошташуда мебошад.

Ҳамзамон, баромадкунандагон паҳлуҳои гуногунсамти Паёми Президенти Ҷумҳурии Тоҷикистонро ҳаматарафа шарҳу тавзеҳ доданд.

Иштирокдорон ҷонибдории худро ҷиҳати иҷрои саривақтии дастуру супоришҳо аз Паёми Президенти Ҷумҳурии Тоҷикистон муҳтарам Эмомалӣ Раҳмон иброз намуданд. Дар пайи дастуру ҳидоятҳои Пешвои муаззами миллат ӯҳдадориҳои вазифавии худро сарбаландона иҷро менамоем-қайд гардид дар қисматии ниҳоии ҷамъомад.