Иштироки раиси Кумита  дар маъракаи ниҳолшинонӣ дар ноҳияи Шаҳристони вилояти Суғд             

                                          

Бо мақсади татбиқи амалии дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати сабзу хуррамгардонии муҳити зист,  татбиқи амалии қарори Ҳукумати Ҷумҳурии Тоҷикистон дар бораи «Барномаи давлатии кабудизоркуниии Ҷумҳурии Тоҷикистон барои давраи то соли 2040», ки аз 29 июни соли 2024, № 374 қабул гардидааст ва қарори Мақомоти иҷроияи ҳокисияти давлатии  вилояти Суғд  аз 1 ноябри соли 2024, № 296 бо иштироки раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон, раиси ноҳияи Шаҳристон  Акрамзода Баҳодур, сардори Сарраёсати ҳифзи муҳити зист дар вилоят Холзода Суҳроб, шахсони масъул ва сокинони ҷамоатҳо дар минтақаи Дараи сабз, ки ниҳолхонаи мавзеи мазкур ба бахши ҳифзи муҳити зист вобаста аст, маъракаи ниҳолшинонӣ баргузор гардид. Дар ниҳолхонаи номбурда ба миқдори муайян арчаи ҳамешасабз санавбари қрими (крымская сосна)  ва дар шоҳроҳи  Душанбе – Чаноқ ҳамагӣ 610 бех арчаи ҳамешасабзи сановбар шинонида шуд.    

Раиси Кумитаи ҳифзи муҳити зист Шерализода Б. иброз дошт, ки ин иқдом аз дастуру супоришҳои Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон оид ба татбиқи сиёсати экологӣ, таъмини рушди иқтисоди сабз, мутобиқшавӣ ба тағйирёбии иқлим, коҳиш додани газҳои гулхонаӣ ва таъмини сартосарии амнияти экологии аҳолӣ сарчашма мегирад. Ҳамчунин, аз ҷониби раиси Кумита барои дуруст ба роҳ мондани парвариши ниҳолҳо ва истеҳсоли мевагиҳо, инчунин тозаву озоди нигоҳ доштани муҳити зист аз партовҳо ба иштирокдорони маъракаи ниҳолшинонӣ маслиҳатҳои муфид дода шуд.