Таҷлили Рӯзи Парчами давлатӣ дар Кумита               

                                          

22 ноябри соли ҷорӣ дар дастгоҳи марказии Кумитаи ҳифзи муҳити зисти назди Ҳукумати Ҷумҳурии Тоҷикистон бахшида ба 32-солагии Рӯзи қабули Парчами давлатии Ҷумҳурии Тоҷикистон чорабинии тантанавӣ баргузор гардид, ки дар он раиси Кумита Шерализода Баҳодур Аҳмадҷон кормандони соҳавиро бо ин санаи фархунда табрику таҳният намуд. Зимни суханҳои табрикотӣ иброз гардид, ки Парчам нишонаи сарҷамъӣ, иттиҳод, якдилӣ ва ифтихори миллат аст. Аз ҷумла хоса изҳор дошта шуд, ки таҳти роҳнамоию ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва муттаҳидию ягонагии мардуми шарифи тоҷик кишвари мо зери парчами давлатӣ ба дастовардҳои бузург ноил гардид.

Ҳамзамон, алоҳида кормандони Кумита бо суханони табрикотӣ баромад намуда, аз ҷумла Парчами давлатиро ҳамчун рамзи давлати мустақили Тоҷикистон, нишонаи соҳибихтиёрӣ, ягонагӣ ва ифтихори мардуми кишвар арзёбӣ намуданд.

Баргузории чунин чорабиниҳо барои баланд бардоштани сатҳи огоҳоии ҷавонон ва арҷгузорӣ ба муқаддасоти миллии кишварамон мусоидат менамояд.