Форуми минтақавӣ оид ба моддаҳои кимиёвӣ дар таркиби пластик ва семинари байналмилалӣ оид ба партовҳои пластикӣ дар минтақаҳои кӯҳӣ               

                                          

7-9 ноябри соли 2024 дар меҳмонхонаи Хилтони шаҳри Душанбе Форуми минтақавӣ оид ба моддаҳои кимиёвӣ дар таркиби пластик ва семинари байналмилалӣ оид ба партовҳои пластикӣ дар минтақаҳои кӯҳӣ баргузор гардид.

Чорабинии мазкур бо дастгирии Кумитаи ҳифзи муҳити зисти назди Ҳукумати Ҷумҳурии Тоҷикистон ва Котиботи Конвенсияи Базел, Роттердам ва Стокголм амалӣ карда шуд.

Семинари байналмилалиро бо сӯхани ифтитоҳӣ муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон Раҳмонзода Лоиқ Шералӣ ва Меҳрнуш Азодӣ, намояндаи Котиботи Конвенсияи Базел, Роттердам ва Стокголм ҳусни оғоз бахшиданд.

Дар кори форум ва семинар намояндагони Котиботи Конвенсияи Базел, Роттердам ва Стокголм, намояндагони идораҳои муҳити зисти зиёда аз 20 давлат, мақомотҳои давлатӣ, ташкилотҳои ҷамъиятӣ, кишварҳои татбиқкунандаи лоиҳаи “Партовҳои пластикӣ дар минтақаҳои кӯҳӣ ва дурдаст”, ва мутахассисони хориҷӣ иштирок намуданд. Вобаста ба ҳолати татбиқи лоиҳа, муҳимияти идоракунӣ ва коҳиш додани партовҳои пластикӣ ва моддаҳои кимиёвӣ дар таркиби пластик имштирокчиён бо рӯнамо баромад намуданд.

Бояд қайд намуд, ки чорабинии мазкур бори нахуст дар Ҷумҳурии Тоҷикистон баргузор мегардад ва метавонад барои ҷалби сармоягузорӣ дар самти идоракунии партовҳои пластикӣ дар ҷумҳурӣ мусоидат намояд.