15 октябри соли ҷорӣ дар шаҳри Ашқободи Туркманистон, вохӯрии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон бо Вазири ҳифзи муҳити зисти Туркманистон Бабаниязов Чаригелди Гурбангелдиевич баргузор гардид.

Зимни вохӯри як қатор масъалаҳои мубрами марбут ба ҳифзи муҳити зист, аз ҷумла гузаронидани Конфронси байналмилалӣ оид ба ҳифзи пиряхҳо дар соли 2025 дар Душанбе, тақвияти ҳамкориҳо дар самти ҳифзи набототу ҳайвонот ва минтақаҳои муҳофизатшаванда, мубодилаи таҷриба кормандон бо мақсади таҳкими рушди институтсионалӣ ва дониши мутахассисон мавриди баррасӣ қарор дода шуданд.

Вохӯрии мазкур дар фазои якдигарфаҳмӣ ҷараён гирифта, ҷонибҳо ҷиҳати идома додани ҳамкориҳои судманд бо хушнудӣ ба мувофиқа расиданд.