.png){kind=logo}
.png){kind=logo}
Баргузории Эко-ниммарафони Кӯҳии байналмилалӣ дар “Ҳафткӯл”
6 сентябри соли 2024 дар кушодашавии Эко-ниммарафони Кӯҳӣ, ки дар мавзеи “Ҳафткӯл”-и шаҳри Панҷакент дар арафи Ҷашни Истиқлоли давлатии Ҷумҳурии Тоҷикистон доир гардида истодааст, раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон, раиси шаҳри Панҷакент Абдухолиқ Холиқзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода ва роҳбарияти Кумитаи рушди сайёҳии назди Ҳукумати Ҷумҳурии Тоҷикистон иштирок ва суханрони намуданд.
Зимни суханронии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон қайд қайд гардид, ки ҳадафи ниммарафони мазкур ин оммавӣ гардондани намуди варзиши давидан ва дар маҷмуъ оммавӣ гардонидани варзиш, рушди сайёҳии экологӣ-варзишӣ, муттаҳидсозии ҷавонон бо варзиш ва варзишгаронро ба мусобиқаҳои байналмилалӣ ба тарғиби арзиши тарзи ҳайёти солим, беҳбуд бахшидан ба вазъи экологии маҳалҳо ва баланд бардоштани сатҳи маърифати экологии аҳолӣ раҳнамун сохтан мебошад.
Дар чорабини мазкур 200 нафар варзишгарон аз зиёда аз 33 давлат иштирок доранд. Варзишгарон дар 3 масофа 3, 10 ва 21 киломтр байни ҳам рақобат менамоянд. Ғолибони марафони мазкур бо мукофотпулӣ ва дипломҳои дараҷаи 1, 2 ва 3 қадрдонӣ карда мешаванд.
