Ҳашари дастаҷамъонаи “Тозагии маҳал” ва “Тозагии роҳ” дар шаҳри Душанбе               

                                          

20 июли соли ҷорӣ баҳри иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати тозаву озода нигоҳ доштани муҳити зист ва баланд бардоштани сатҳи маърифати экологӣ, инчунин ташаббус аз иқдомҳои созандаи Раиси шаҳри Душанбе муҳтарам Рустами Эмомалӣ оид ба таваҷҷуҳи хоса ба масъалаҳои экологӣ, аз ҷумла эълон гардидани соли 2024 дар шаҳри Душанбе ҳамчун "Соли маърифати экологӣ" бо иқдоми Мақомоти иҷроияи ҳокимияти давлатии шаҳри Душанбе, Кумитаи ҳифзи муҳити зисти назди Ҳукумати Ҷумҳурии Тоҷикистон ва Сарраёсати ҳифзи муҳити зист дар шаҳри Душанбе дар роҳи Душанбе-Ҳисор, воқеъ дар мавзеи Маркази савдои "Балх" аксияи экологии “Тозагии маҳал” ва “Тозагии роҳ” баргузор гардид.

Дар чорабинии мазкур кормандони сохторҳои дахлдори Мақомоти иҷроияи ҳокимияти давлатии шаҳри Душанбе, инчунин роҳбарият, сардорони воҳидҳои сохторӣ ва дигар кормандони Кумитаи ҳифзи муҳити зисти назди Ҳукумати Ҷумҳурии Тоҷикистон, дар якҷоягӣ бо мақомоти зерсохтори он дар шаҳри Душанбе фаъолона иштирок карда, шафати роҳи мазкурро тозаву озода намуданд.

Дар натиҷа партовҳои ҷамъовардашуда тавассути техникаҳои сохторҳои коммуналӣ ба партовгоҳ бароварда шуд. Ҳамзамон, ба воситаи техникаҳои махсус роҳҳо тавассути фишори об поксозӣ шуданд. Дар рафти баргузории чорабинӣ ба марказу дигар иншооти савдо ва хизматрасонии шафати роҳи мазкур ҷиҳати ба таври доимӣ тоза нигоҳ доштани ҳолати ҳудудашон масъулият эҳсос карда, маданияти экологиро ба таври қатъӣ риоя намоянд.

Дар ҳолати беэътиноӣ, яъне риоя накардани талаботи қонунҳои экологӣ ва дигарбора ба чунин камбудиҳо роҳ додан нисбати нафарони мавриди назар чораҳои дахлдор андешида мешавад.

Чунин чорабиниҳои мақсаднок баҳри беҳдошти муҳити зист ва баланд бардоштани сатҳи маърифати экологии аҳолӣ дар шаҳраку маҳаллаҳо, хиёбонҳо, боғҳои фарҳангиву фароғатӣ ва ҷодаҳои дигари ҳудуди пойтахт пайваста роҳандозӣ ва амалӣ карда мешавад.