Баргузории мусобиқаи экологии “Бозиҳои тоза” барои дарёфти Ҷоми Авруосиё дар ноҳияи Варзоб               

                                          

Бо иқдоми Кумитаи ҳифзи муҳити зисти назди Ҳукумати Ҷумҳурии Тоҷикистон дар ноҳияи Варзоб ҷиҳати дарёфти Ҷоми авруосиёгӣ таҳти унвони “Бозиҳои тоза” мусобиқа баргузор гардид.

Дар мусобиқаи “Бозиҳои тоза” намояндагони дастгоҳи марказии Кумитаи ҳифзи муҳити зист, шуъбаи ҳифзи муҳити зист дар маҳал, аъзои маҳфили эковолонтёрони Кумита, варзишгарони намуди ҷудо дар маҷмуъ беш аз 70 нафар дӯстдорони табиат иштирок доштанд.

Пеш аз оғози бозӣ шарту қоидаҳои “Бозиҳои тоза” аз тарафи ташкилкунандагон ба иштирокдорон фаҳмонида шуд. Сипас, бо бардоштани лентаи хатти марш иштирокчиён дар вақти муайянгардида бо майли том гирду атрофи майдони интихобшударо аз партовҳои гуногун тоза намуданд.

Яке аз шартҳои чорабинӣ байни иштирокчиёни бозиҳои шавқовар ин ҷалб ва ҳавасманд гардонидани онҳо буд, ки шавқовару хотирмон гузаронида шуд.

Дар охир, ҳайати ҳакамон ҷойҳои якуму дуюму сеюмро бо дарназардошти фаъолнокии бозингарон ва гурӯҳҳо муайян намуда, беҳтаринҳо соҳиби дипломҳои Ҷоми “Бозиҳои тоза” гардиданд, дипломҳо дар вазъияти тантанавӣ ба онҳо супорида шуданд.