Аксияҳои экологӣ дар ноҳияи Рӯдакӣ             

                                          

Бо иқдоми шуъбаи ҳифзи муҳити зисти ноҳияи Рӯдакӣ бо мақсади тозаву озода нигоҳ доштани муҳити зист ва маҳаллаҳои аҳолинишин дар ҷамоати деҳоти Сарикиштии ноҳияи Рӯдакӣ аксияи “Тозагии маҳал” ва “Тозагии соҳил” баргузор гардид.

Дар аксияи мазкур зиёда аз 100 нафар сокинон иштирок намуда, кӯчаҳои деҳа ва ҷӯйборҳои канори роҳро аз партовҳои маишӣ тоза карда, партовҳо ба партовгоҳҳои расмӣ интиқол дода шуданд.

Баҳри беҳдошти муҳити зист ва баланд бардоштани маърифати экологии аҳолӣ аз ҷониби мутахассисони шуъбаи ҳифзи муҳити зисти ноҳияи Рӯдакӣ дар ҷамоати шаҳраки Сомониёни ноҳия доир ба “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” дар байни коллективи муассисаи алоқаи Почтаи ноҳияи Рӯдакӣ суҳбату вохӯриҳо гузаронида шуд.