Кумитаи ҳифзи муҳити зисти назди Ҳукумати Ҷумҳурии Тоҷикистон дар Фестивали намоиш, фурӯши картошка ва тайёр намудани хӯрокиҳо аз он, ки дар саҳни маҷмааи бозори Меҳргони шаҳри Душанбе баргузор гардид, фаъолона иштирок намуда, гӯшаи анвои хӯрокиҳои лазизи аз кортошка омодашударо ба маърази иштирокдорон гузошт. Дар чорабинӣ инчунин сохторҳои зертобеи Кумита низ бо дастовардҳои худ иштирок намуданд.

Тавре маълум аст, картошка баъд аз маҳсулоти нонӣ хӯроки дуюм ба ҳисоб рафта, сокинони кишвар бо истифода аз он таомҳои болаззат омода менамоянд.

Ҳамзамон, сокинони пойтахти азизамон шаҳри Душанбе чунин маҳсулоти кишоварзии минтақаҳои гуногуни кишварамонро, ки аз ҷиҳати экологӣ тозаву дар мавсими худ ба фурӯш бароварда шудаанд ба нархи нисбатан арзон дастрас намуданд.

Ҳайати намояндагони Ҳукумати Ҷумҳурии Тоҷикистон таҳти роҳбарии муовини Сарвазири Ҷумҳурии Тоҷикистон Сулаймон Зиёзода аз гӯшаҳои намоишгоҳ дидан намуда, барои дар сатҳи муносиб ташкил намудан ба як қатор мақомоти иштирокдори фаъол сипосномаи Кумитаи тадорукоти фестивал тақдим карда шуд.