Таҷлили  Рӯзи  Парчами давлатӣ дар Кумита               

                                          

24 ноябри соли ҷорӣ дар Кумитаи ҳифзи муҳити зисти назди Ҳукумати Ҷумҳурии Тоҷикистон бахшида ба 31-юмин солгарди Рӯзи қабули Парчами давлатии Ҷумҳурии Тоҷикистон чорабинии тантанавӣ баргузор гардид, ки дар он муовини якуми раиси Кумита Қиёмзода З. С. табрикоти раиси Кумитаро ба кормандони соҳавӣ оид ба ин санаи фархунда қироат намуд.  Зимни суханҳои табрикотӣ иброз дошта шуд, ки Парчам нишонаи сарҷамъӣ, иттиҳод, якдилӣ ва ифтихори миллат аст.  Аз ҷумла хоса изҳор дошта шуд, ки таҳти роҳнамоию ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва муттаҳидию ягонагии мардуми шарифи тоҷик кишвари мо зери парчами давлатӣ ба дастовардҳои бузург   ноил гардид.

Ҳамзамон, алоҳида кормандони Кумита бо суханони табрикотӣ баромад намуда, аз ҷумла Парчами миллиро ҳамчун рамзи давлати мустақили Тоҷикистон, нишонаи соҳибихтиёрӣ, ягонагӣ ва ифтихори мардуми кишвар арзёбӣ намуданд.

Баргузории чунин чорабиниҳо барои баланд бардоштани сатҳи огоҳоии ҷавонон ва арҷгузорӣ ба муқаддасоти миллии кишварамон мусоидат менамояд.