Баргузории аттестатсияи хизматчиёни давлатии маъмурии Кумита               

                                          

Аз 17 то 20 ноябри соли 2023 аттестатсияи хизматчиёни давлатии маъмурии Кумитаи ҳифзи муҳити зисти назди Ҳукумати Ҷумҳурии Тоҷикистон гузаронида шуд. Дар ин бора фармоиши раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 31 октябри соли 2023, №114 ба тасвиб расонида шудааст.

Мақсади гузаронидани аттестатсияи мазкур ин муайян кардани мувофиқати хизматчиёни давлатӣ ба мансаби ишғолнамуда ва болоравии касбӣ, тибқи моддаи 20 Қонуни Ҷумҳурии Тоҷикистон “Дар бораи хизмати давлатӣ”, бандҳои дахлдори Низомномаи тартиб ва шартҳои гузаронидани аттестатсияи хизматчиёни давлатии маъмурӣ, ки бо Фармони Президенти Ҷумҳурии Тоҷикистон аз 30 майи соли 2008, №468  тасдиқ шудааст, инчунин моддаҳои 24 Қонуни Ҷумҳурии Тоҷикистон “Дар бораи санадҳои меъёрии ҳуқуқӣ” ва зербанди 24 банди 10 Низомномаи Кумитаи мазкур, ки бо қарори Ҳукумати Ҷумҳурии Тоҷикистон аз 2 сентябри соли 2021, №357 тасдиқ гардидааст, мебошад.