Системаи мониторинг, ҳисоботдиҳӣ ва санҷиши ҳисоботи иқлимӣ дар Тоҷикистон тақвият меёбад               

                                          

Созмони озуқаворӣ ва кишоварзии Созмони Милали муттаҳид (ФАО) 16 ноябри соли 2023 барои лоиҳаҳои иқлимӣ дар Тоҷикистон барои ҷонибҳои манфиатдор ва Кумитаи ҳифзи муҳити зисти назди Ҳукумати Тоҷикистон тренинг оид ба системаи андозагирӣ, ҳисоботдиҳӣ ва санҷиш (MRV) ташкил намуд. Омӯзиш дар доираи лоиҳаи Дуюми таъмини омодагӣ, ки аз ҷониби Фонди Иқлими Сабз дастгирӣ карда мешавад, гузаронида шуд.

ФАО Дар Тоҷикистон рушди системаи MRV-ро ҳамчун қисми муҳими системаи мониторинг ва ҳисоботдиҳӣ тибқи созишномаи Париж дар Конвенсияи чаҳорчӯбаи Созмони Милали Муттаҳид оид ба тағйирёбии иқлим дастгирӣ мекунад. Лоиҳа ба сохтани системае равона шудааст, ки ба ҷамъоварии маълумот дар бораи партовҳои газҳои гулхонаӣ ва механизми мониторингро барои ҳисоботи боэътимодтар тибқи ӯҳдадориҳои конвенсия таъмин мекунад.

Ин дуюмин чорабинии омӯзишӣ дар соли 2023 мебошад, ки ба баланд бардоштани иқтидори кормандони Кумита ва инчунин дигар ҷонибҳои манфиатдор барои фаҳмидани системаи ҳисоботдиҳӣ ва рушди малакаҳо дар истифодаи он нигаронида шудааст. Ин ҳамчунин имкон медиҳад, ки талошҳои кишвар барои мубориза бо тағйирёбии иқлим дар Тоҷикистон пайгирӣ карда шавад.

ФАО ҳамчунон ҷонибдори дастгирии Тоҷикистонро дар талошҳои он барои мубориза бо тағйирёбии иқлим ва таъмини фаъолияти хуби системаҳои мониторинг ва арзёбии маҳаллӣ барои ҳама намуди лоиҳаҳои марбут ба тағирёбии иқлим боқӣ мемонад. Қаблан ФАО дар Тоҷикистон ба ҳукумат дар ҳамоҳангсозии кори бисёрҷониба оид ба муайян ва тасдиқи саҳми дар сатҳи миллии муайяншуда (NDC), ки яке аз механизмҳои муҳими ноил шудан ба ҳадафҳои тағйирёбии иқлим мутобиқи конвенсияи КЧТИ СММ мебошад, кӯмак менамуд.

Лоиҳаи дуюми омодагӣ дар назди Кумитаи ҳифзи муҳити зисти назди Ҳукумати Ҷумҳурии Тоҷикистон амал мекунад ва аз ҷониби ФАО амалӣ карда мешавад.

Илова ба таҳияи системаи MRV, ҳадафи лоиҳа таҳияи барномаи маблағгузории GCF дар сатҳи кишвар ва баланд бардоштани иқтидори бахши хусусӣ, аз ҷумла муассисаҳои молиявии хусусӣ барои татбиқи лоиҳаҳои иқлимӣ дар кишвар мебошад.

Донишҳои ба даст овардашуда дар якҷоягӣ бо таҷҳизот, иқтидори техникии кормандони Кумитаи ҳифзи муҳити зистро афзоиш медиҳанд ва ба он имкон медиҳанд, ки лоиҳаҳои марбут ба тағирёбии иқлимро назорат ва тафтиш кунанд.