Баргузории аксияҳои экологӣ дар ноҳияи Темурмалики вилояти Хатлон             

                                          

Дар доираи амалигардониии нақшаи чорабиниҳо оид ба ташкил ва баргузории аксияҳои экологии “Тозагии маҳал” ва “Тозагии соҳил” дар соли 2023 чунин чорабиниҳо баҳри беҳдошти муҳити зист пайваста дар шаҳру ноҳияҳои ҷумҳурӣ ташкил ва гузаронида мешавад. 

Дар пайи ин тадбирҳои муҳитизистӣ аз тарафи бахши ҳифзи муҳити зист дар ноҳияи Темурмалики вилояти Хатлон аксияи экологии “Тозагии маҳал” ва “Тозагии соҳил” рӯи даст гирифта шуд, ки дар рафти он беш аз 330 нафар кормандони касбу кори гуногун ва аҳолӣ иштирок доштанд. Ҳаҷми партовҳои баровардашуда 2,7м³-ро ташкил дода, масоҳати тозакардашуда бошад 1020 м²-ро дарбар гирифт. Ҳамчун, тибқи иттилои шуъбаи ҳифзи муҳити зист дар ноҳияи Темурмалик дар рафти баргузории аксияҳои мазкур 2 адад техникаҳои борбардор ва боркаш ҷалб карда шуданд.