Таҳкими ҳифзи экосистема ва идоракунии ҳавзаҳои обҷамъшавӣ дар Тоҷикистон               

                                          

10 ноябр дар Душанбе дар доираи лоиҳаи «Усули ҳамгироишудаи манзаравӣ барои таҳкими устуворӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон» омӯзиш оид ба истифодабарии баҳогузории экосистема ва арзёбии он (ESAV) барои таҳкими ҳифзи экосистема ва идоракунии ҳавзаҳои обҷамъшавӣ дар Тоҷикистон гузаронида шуд — мулоҳизаҳо аз ҳавзаи дарёи Кофарниҳон.

Омӯзиши мазкур коршиносон ва ҷонибҳои манфиатдори асосиро дар соҳаи идоракунии ҳавзаҳои обҷамъшавӣ ва ҳифзи системаҳои экосистема барои табодули таҷриба ва муайян кардани ниёзҳо ва роҳҳои оянда дар арзёбии экосистема ва маблағгузории ҳавзаи дарёи Кофарниҳон ва дигар манотиқи Тоҷикистон ҷамъ овард.

Ҳадафҳои асосии омӯзиш ин баланд бардоштани сатҳи огоҳӣ дар бораи он, ки чӣ тавр ESAV метавонад барои баланд бардоштани ҳифзи экосистема ва идоракунии ҳавзаи обҷамъшавӣ истифода шавад, намоиши корҳое, ки лоиҳа ва дигар ташкилотҳо оид ба методология ва татбиқи ESAV дар Тоҷикистон анҷом додаанд, ва мусоидат ба ҳамкорӣ, табодули иттилоот оид ба ESAV байни коршиносони техникӣ, тадқиқотчиён, банақшагирандагон ва менеҷерҳо оид ба идоракунии ҳавзаҳои об ва ҳифзи системаи экосистема ва муайян кардани ниёзҳову имкониятҳои рушди минбаъдаи равишҳои молиявӣ ва иқтисодӣ оид ба идоракунии ҳавзаҳои обҷамъшавӣ ва ҳифзи экосистема дар Тоҷикистон, бахусус ESAV ва PES.

Аз ҷумла, лоиҳа таҳия ва татбиқи системаи истифодабарии баҳогузории экосистема ва арзёбии он (ESAV) дар ҳавзаҳои интихобшудаи ҲДК-ро озмоиш мекунад. Ҳадаф ин баланд бардоштани сатҳи огоҳии шахсони тасмимгиранда дар бораи аҳамияти хидматрасонии экосистемаи ҳавзаи обҷамъшавӣ ва пешниҳоди асоснокии иқтисодии идоракунии устувори ҳавзаи об ва фаъолиятҳои мутобиқшавӣ дар асоси экосистема мебошад.

Бо сухани ифтитоҳӣ роҳбари лоиҳа Немонов Ғиёсиддин баромад кард. Лоиҳа аз ҷониби Фонди адаптатсионӣ маблағгузорӣ шуда, аз ҷониби БРСММ дар Тоҷикистон якҷоя бо Кумитаи ҳифзи муҳити зисти назди Ҳукумати Ҷумҳурии Тоҷикистон амалӣ карда мешавад.