Курси омӯзишӣ дар мавзуи “Системаи ЭКО МОНИТОРИНГ ва муаррифии барномаи “BARS”               

                                          

Рӯзҳои  1-3 ноябри соли ҷорӣ дар истироҳатгоҳи “Сароб”-и ноҳияи Варзоб курси омӯзишӣ дар мавзуи “Системаи ЭКО МОНИТОРИНГ ва муаррифии барномаи “BARS” баргузор гардид. Курси омӯзиширо бо суханҳои ифтитоҳӣ сардори раёсати мониторинг, сиёсати экологӣ, обуҳавошиносӣ ва кадастри Кумита Шукуров Исфандиёр ва намояндаи Ташкилоти озуқа ва кишоварзии СММ дар Тоҷикистон  (ФАО) Олег Гучгелдиев оғоз намуданд.

Курси омӯзишӣ барои кормандони мақомоти ҳифзи муҳити зист дар шаҳру ноҳияҳо ва вилоятҳои ҷумҳурӣ ташкил ва баргузор гардид. Мақсади ташкили курси омӯзишӣ, ин баланд бардоштани сатҳи донишу малакаи кормандон дар соҳаи техникаву технология ва мубодилаи ҳуҷҷатҳои электронӣ ба ҳисоб меравад.

Дар рӯзи аввал аз ҷониби мутахассисони техникӣ барои ишитирокчиён шиносоии барномаи “BARS” дар шакли амалӣ баргузор гардид, ки иштирокчиён бо равзанаи асосии барнома, тарзи дуруст ворид намудани ҳисоботҳо ва таҳлилӣ он дар система шиносоӣ пайдо намуданд. Рӯзи дуюм бошад, иштирокчиён он чизе, ки омӯхтанд дар амал иҷро намуда, дар ҳолатҳои ба душвориҳо рӯ ба рӯ шудан, ба мутахассисони техникӣ муроҷиат намуданд.  Аз ҷониби мутахассисон ба саволҳои иштирокчиён ҷавобҳои мушаххас ва ёрии амалӣ расонида шуд.

Ёдовар мешавем, ки барномаи “BARS”  дар доираи лоиҳаи “Дастгирии Ҷумҳурии Тоҷикистон барои тақвият додани иқтидорҳояш дар соҳаи мониторинг ва баҳодиҳии маблағгузории иқлим, муайян кардани субъектҳои эҳтимолиии дастрасиимустақим ва ҷалби бахши хусусӣ ба сармоягузориҳои марбут ба тағйирёбии иқлим бо Фонди Иқлими Сабз” азнавсозӣ карда шуд.