Баргузории аксияҳои экологӣ дар ноҳияи Рӯдакӣ            

                                          

Баҳри иҷрои нақша чорабиниҳои шуъбаи ҳифзи муҳити зисти ноҳияи Рӯдакӣ, бо мақсади тозаву обод нигоҳ доштани муҳити атроф ва баланд бардоштани сатҳи маърифати экологии аҳолӣ дар ҷамоати деҳоти Султонобод ва Чоряккорон ноҳияи мазкур аксияи “Тозагии маҳал” ва “Тозагии соҳил” гузаронида шуд.

Рафти баргузории аксия ҳудуди маҳалҳои аҳолинишин, соҳили дарё ва манбаъҳои обӣ аз алафҳои бегона ва партовҳои гуногун тоза карда шуда, партовҳо тавассути нақлиёти махсуси коммуналӣ ба партовгоҳи расмӣ интиқол дода шуд.

Ҳамзамон, дар ҷамоати деҳоти Чоряккорон баҳри беҳдошти муҳити зиства оид ба амалӣ гардидани Барномаи давлатии дурнамои экологӣ аз ҷониби мутахассисони шуъбаи ҳифзи муҳити зист дар ноҳияи Рӯдакӣ бо кормандони ҷамоат суҳбату вохурӣ гузаронида шуд.