Аксияи «Тозагии роҳ», «Тозагии маҳал» ва «Тозагии соҳил» дар ноҳияи Деваштич             

                                          

Бо мақсади беҳтар намудан ва беҳбудӣ бахшидан ба вазъи экологӣ, тозаву обод намудани роҳҳо, кӯчаву маҳаллаҳо, иҷроиши нақшаи тасдиқгаштаи мақомоти ҳифзи муҳити зист, дар ҳудуди ҷамоатҳои деҳоти Ваҳдат, Росровут ва ҷамоати шаҳраки Ғончӣ аксияи «Тозагии маҳал», «Тозагии соҳил» ва «Тозагии роҳ» бо иштироки беш аз 100 нафар аҳолии ҷамоатҳо гузаронида шуд.

Аксия бо иқдоми бахши ҳифзи муҳити зист дар ноҳия ташкил ва гузаронида шуда, дар натиҷа 1,8 км роҳҳои мошингард, 1,5 км сойи маҳаллаҳо ва ҷӯйборҳо тоза карда шуда, 1,5 тн партов бо ҷалби техника ба партовгоҳи ноҳия бароварда шуд.