Қуттиҳо барои ҷамъоварии зарфҳои пластикӣ             

                                          

Вобаста ба иҷрои дастури раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва бо инобати зиёд гардидани партовҳои пластикӣ дар ҷомеа бо ибтикороти Сарраёсати ҳифзи муҳити зист дар шаҳри Душанбе дар ҳудуди муассисаҳои таҳсилоти миёнаи умумии рақамҳои №54, 92 –и ноҳияи Сино ва № 8-и ноҳияи Исмоили Сомонии шаҳри Душанбе қуттиҳои турии партов барои ҷамъоварии маводҳои пластикӣ гузошта шуд.

Ҳадаф аз роҳандозӣ намудани чунин ташаббус пеш аз ҳама тоза нигоҳ доштани муҳити зист ва ҷамъоварию мавриди коркард қарор додани маводҳои пластикӣ мебошад. Зеро истифодаи маводҳои пластикӣ рӯ ба афзоиш оварда, боиси нигаронии аҳли ҷомеа гардида истодааст.

Сарраёсати ҳифзи муҳити зист дар шаҳри Душанбе тасмим гирифтааст, ки дар ҳамкорӣ бо роҳбарияти донишгоҳу донишкадаҳо, Сарраёсати маорифи шаҳри Душанбе ва маъмурияти боғҳои фарҳангу фароғатии пойтахт чунин қуттиҳоро дар ҳудуди муассисаҳои болозикр ҷиҳати ҷамъоварии зарфҳои пластикӣ ҷойгир намояд.