Баргузории аксияи «Тозагии маҳал» ва «Тозагии роҳ» дар вилояти Суғд               

                                          

Бо мақсади беҳтар намудани вазъи экологӣ ва муҳити зист, сазовор пешвоз гирифтани 32-солагии Истиқлоли давлатии Ҷумҳурии Тоҷикистон, ҷиҳати вусъат бахшидан ба корҳои созандагию ободкорӣ, ба таври доимӣ тозаю озода нигоҳ доштан, беҳтар намудани вазъи экологии шафати роҳҳо ва шоҳроҳҳо дар миқёси вилояти Суғд аксияи “Тозагии маҳал” ва “Тозагии роҳ” гузаронида шуд.

Дар рафти баргузории аксия, ки тибқи нақшаи чорабинии тасдиқгардидаи мақомоти ҳифзи муҳити зист роҳандозӣ гардид, беш аз 10 ҳазор нафар сокинони маҳаллаҳо, кормандони корхонаву ташкилот ва муассисаҳо фаъолона иштирок намуданд.

Дар ҷараёни аксия ҳудуди  маҳалҳои аҳолинишин, аз ҷумла ҷӯйбор, қадди роҳҳо  ва шоҳроҳҳо аз партовҳои гуногун ва алафҳои печида тоза карда шуд. Дар натиҷа 109,5 метри мукааб партовҳо тавассути нақлиётҳои махсуси коммуналӣ ба партовгоҳҳои расмӣ интиқолу  ҷойгиронида шуданд.