Дар маҷлиси умумии ташкилоти ибтидоии ҳизбии “Ҳифзи муҳити   зист”               

                                          

2 августи соли ҷорӣ дар Дастгоҳи марказии Кумитаи ҳифзи муҳити зисти назди Ҳукумати Ҷумҳурии Тоҷикистон маҷлиси Ташкилоти ибтидоии ҳизбии ҳифзи муҳити зист барогузор гардид. Дар маҷлис раиси Кумитаи иҷроияи Ҳизби Халқи Демокоатии Тоҷикистон дар ноҳияи Синои шаҳри Душанбе Файзуллозода Заррина Файзулло ва мудири Шӯъбаи умумии Кумитаи иҷроияи ҲХДТ дар шаҳри Душанбе Давлатзода Ҳангома    иштирок намуданд.

Кори  маҷлис  тибқи тартиби ҷорӣ аз ҷониби муовини якуми раиси Кумитаи ҳифзи муҳити зисти назди Ҳукумати Ҷумҳурии Тоҷикистон Қиёмзода Зарафо Суфиҷон гузаронида шуд.

Дар рӯзномаи маҷлис масъалаҳо оид ба “Ҳисоботи ташкилоти ибтидоии “Ҳифзи муҳити зист”-и ҲХДТ дар ноҳияи Синои шаҳри Душанбе оид ба ҷамъбасти фаъолият дар давраи аз моҳи июни соли 2022 то моҳи июни соли 2023 ва вазифаҳо барои фаъолияти минбаъда”, ба роҳбарӣ гирифтан ва дар амал татбиқ намудани Қарори Маҷлиси Раёсати Кумитаи Иҷроияи Марказии ҲХДТ аз 25 майи соли 2023, №1 “Дар бораи омодагӣ ва сазовор таҷлил намудани ҷашни 30-солагии Ҳизби Халқии Демократии Тоҷикистон”, интихоби аъзои Раёсати ташкилоти ибтидоии “Ҳифзи муҳити зист”, дар бораи интихоби раиси ташкилоти ибтидоӣ ва муовини раиси ташкилоти ибтидоии “Ҳифзи муҳити зист” ва масъалаҳои қабул ба сафи ҲХДТ дар ташкилоти мазкур мавриди баррасӣ қарор гирифт.

Дар маҷлис бо пешниҳод ва овоздиҳии аъзоёни ташкилоти мазкур Раиси Кумитаи ҳифзи муҳити зисти назди Ҳукумати Ҷумҳурии Тоҷикистон  Шерализода Б. А. раиси Ташкилоти ибтидоии ҳизбии ҳифзи муҳити зист ва директори МД “Маркази илмӣ-тадқиқотии ҳифзи захираҳои об”-и Кумита Саидзода С. М.  муовини раиси Ташкилоти мазкур таъйин карда шуданд.

Қобили зикр аст, ки аъзои ҳизби номбурда дар ҳифзи муҳити зист, таъмини амнияти экологӣ, баланд бардоштани сатҳи маърифати экологии аҳолӣ ва саҳмгузорӣ дар чорабиниҳои оммавӣ, солимгардонӣ, ҷашнҳои миллӣ ва дигар корҳои ҷамъиятӣ баҳри боз ҳам рушду шукуфоии Тоҷикистони маҳбуб фаъолияти пурсамар доранд.