Вохӯрӣ зери унвони «Ҷавонон - пайравони Пешвои миллат» дар Сарраёсати ҳифзи муҳити зисти вилояти Суғд               

                                          

Ба ифтихори таҷлили сазовор ҷашн гирифтани 32-солагии Истиқлоли давлатии Ҷумҳурии Тоҷикистон, тибқи ҷадвали тасдиқгардидаи мақомоти иҷрояи ҳокимияти давлатии вилоят дар Сарраёсати ҳифзи муҳити зисти вилояти Суғд вохӯрии муовини раиси филиали Иттифоқи ҷавонони Тоҷикистон дар вилояти Суғд Фахриддинзода Фирдавс бо ҷавонони мақомот доир гардид.

Бо суханони ифтитоҳӣ сардори Сарраёсати ҳифзи муҳити зист дар вилояти Суғд вохӯриро оғоз бахшида, доир ба рӯйдоди таърихӣ - 32-солагии Истиқлоли давлатии Ҷумҳурии Тоҷикистон, дастовардҳои бузурги кишвари соҳибистиқлол, дар давраи начандон тӯлонии таърихи навини кишвар, ба вуқуъ пайвастани навгониҳои беназир дар ҳаёти сиёсӣ, иқтисодӣ ва иҷтимоӣ, фарҳангиву маънавӣ, инчунин дастовардҳои мақомот дар ин давра суханронӣ намуд.   

Дар баромади худ сармутахассиси Сарраёсат оид ба нақши назарраси ҷавонон дар фаъолияти мақомоти ҳифзи муҳити зист, иштироки фаъолонаи онҳо дар чорабиниҳои экологӣ, давлативу сиёсӣ, қайд намуда, зикр карда шуд, ки аз ҳисоби умумии кормандони Сарраёсат 74%-ро ҷавонон ташкил дода, ҳамаи онҳо дорои маълумоти олӣ мебошанд.  

Фахриддинзода Ф. оид ба дастовардҳои ҷавонони кишвар тӯли солҳои соҳибистиқлолӣ, саҳми ҷавонон дар пешрафти ҷомеаи демократии ҳуқуқбунёд баромад намуда, барои гузоштани саҳми арзанда дар татбиқи босамари сиёсати давлатии кор бо ҷавонон, баланд бардоштани ҳуввияти миллию эҳсоси худшиносӣ ва бахшида ба 32- солагии Истиқлоли давлатии Ҷумҳурии Тоҷикистон 5 нафар кормандонро бо Сипосномаи Филиали Иттифоқи ҷавонони Тоҷикистон дар вилояти Суғд сарфароз гардонид.

Ҳамчунин сардори Сарраёсат Ғуфронзода Азиз барои ҳамкории доимии судманд ва иштироки фаъолонаи ҷавонон дар аксияҳои экологӣ  ба муовини раиси филиали Иттифоқи ҷавонони Тоҷикистон дар вилояти Суғд Фахриддинзода Ф. Китоби Сурхи Ҷумҳурии Тоҷикистонро  тақдим намуд.