Вохӯрии раиси Кумита Шерализода Б. А. бо сафири Бритониё дар Тоҷикистон ҷаноби Тим Ҷонс               

                                          

24 июни соли 2023 вохӯрии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализод Б.А., бо сафири Бритониё дар Тоҷикистон ҷаноби Тим Ҷонс ва хонум Рина Кориа, муовини директор оид ба рушд ва тағйирёбии иқлим дар Осиёи Марказӣ баргузор гардид.

Зимни мулоқот масоили ҳамкории ду кишвар дар заминаи ҳифзи гуногунии биологӣ ва тағйири иқлим баррасӣ шуд. Раиси Кумита ниятҳои Кумитаро барои ҳамкорӣ бо BBC Animals барои омода кардани видеофилм дар бораи ҳайвоноти ваҳшии Тоҷикистон қайд намуданд. Ҳамчунин масъалаҳои омодасозии павилиони Тоҷикистон барои СОР 28 дар Дубай, ҳамкории мутақобила оид ба тақвияти иқтидори мутахассисон барои гузаронидани мониторинги сифати ҳаво, об, идоракунии партовҳо ва барқарорсозии ҳайвоноти ваҳшӣ баррасӣ шуданд.

Зимни вохӯрӣ раиси Кумита сафир ва дастаи ӯро барои ширкат дар Форуми Миллӣ, ки рӯзҳои 3-7 июли соли 2023 дар шаҳри Душанбе баргузор мегардад, даъват намуд.

Сафири Британия ба ҳамкориҳои дуҷониба ва таҳкими ҳамкории байни Кумита ва BBC Animals изҳори манфиатдорӣ кард.