Вохӯрии намояндаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо кормандони Кумитаи ҳифзи муҳити зисти назди Ҳукумати Ҷумҳурии Тоҷикистон             

                           

Санаи 25 майи соли равон бо мақсади фаҳмонидани моҳият ва таъмини иҷрои талаботи бандҳои Нақшаи чорабиниҳои «Стратегияи давлатии муқовимат бо коррупсияи Ҷумҳурии Тоҷикистон барои давраи то соли 2030» дар толори маҷлисгоҳи дастгоҳи марказии Кумита вохӯрии сарнозири Раёсати муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Носири Алишер бо кормандони Кумита баргузор гардид.

Маҷлисро бо сухани ифтитоҳӣ муовини раиси Кумита Мавлодод А.М. оғоз намуда, қайд карда шуд, ки дар корҳои назоративу ташвиқотӣ дар мақомоти соҳавӣ ашхосӣ алоҳида байни кормандони масъул ва роҳбарикунанда, ки барои иҷрои вазифаҳои муқовимат ба коррупсия масъул мебошанд, корҳои фаҳмондадиҳӣ гузаронанд.

Сипас, сарнозири Раёсати муқовимат ба коррупсияи Агентӣ зимни баромади худ оид ба моҳият, самтҳои асосӣ ва амалисозии нақшаи чорабиниҳои Стратегияи мазкур, пешгирии амалҳои характери коррупсионидошта дар фаъолияти хизматчиёни давлатӣ, таъсири он ба раванди рушди иҷтимоию иқтисодӣ, баланд бардоштани сатҳи маърифати зиддикоррупсионии аҳолӣ сухан намуда, қайд кард, ки хизматчиёни давлатӣ бояд дар чорчӯбаи қонунгузорӣ фаъолият намуда, иҷрои стратегияи мазкурро, тибқи моддаи 23 ва 25 Қонуни Ҷумҳурии Тоҷикистон “Дар бораи муқовимат ба коррупсия” оид ба истифодаи захираҳои молиявӣ, моддию техникӣ, нақлиётӣ захираҳои дигари давлатӣ ё ҷамъиятӣ ва иттилооти хизматӣ бо мақсадҳои ғайрихизматӣ ба шахси ваколатдор ва шахси ба он баробаркардашуда манъ намудани чунин кирдорҳои ҳуқуқвайронкунии ба коррупсия  алоқаманд ҳатмӣ риоя намоянд.

Дар фарҷоми вохӯрӣ кормандони Кумита оид ба мавзуъ саволҳои гуногун дода, ба онҳо посухҳои мушаххас гирифтанд.