Аксияҳои экологӣ дар ноҳияи Рӯдакӣ               

                       

Тибқи фармоиши раиси Кумита ва нақшаю чорабиниҳои шуъбаи ҳифзи муҳити зисти ноҳияи Рӯдакӣ дар шаҳраки Сомониёни ноҳия аксияи “Тозагии роҳ” баргузор гардид.

Дар аксияи мазкур зиёда аз 266 нафар кормандони касбу кори гуногун ва сокинони деҳаҳои Элок, Турдиев, Косибон ва Коргар иштирок намуда, дарозии 3080 м ду шафати роҳ аз ҳар гуна партовҳо тоза гардид.

Дар натиҷа 16 метри мукааб партовҳо ҷамъоварӣ шуда, ба партовгоҳи ноҳия интиқол дода шуд.

Инчунин, дар деҳаи Шайнаки ноҳияи Рӯдакӣ бо иштироки сокинон аксияи “Тозагии маҳал” бо иштироки 100 нафар гузаронида шуд. Дар чорабинӣ 150 метр роҳи пиёдагард аз алафҳои бегона ва партовҳо тоза намуда, 8 м³  партовҳо бароварда шуд.