Таҷлили Рӯзи байналмилалии муҳити зист дар шаҳри Ҳисор               

                                          

Ҷиҳати иҷрои Фармоиши раиси Кумита ва Қарори раиси шаҳри Ҳисор дар бораи таҷлили Рӯзи байналмилалии муҳити зист 5 июни соли ҷорӣ дар ҳузури муовини раиси шаҳр Юлдошзода Бунафша бо иштироки фаъолону сокинон, шуъбаҳои маориф, фарҳанг, ҷамоатҳои шаҳраку деҳоти шаҳр, корхонаҳо ва муассисаҳои таҳсилоти миёнаи умумии шаҳр дар назди гулгашти бинои Осорхона ва Қасри фарҳанги шаҳри Ҳисор бо ташкили гӯшаи  табиати зинда, чорабиниҳои фарҳангӣ бо як  шукӯҳу шаҳомати  хоса ҷашн гирифта шуд.

Оид ба ташкил ва гузаронидани озмуни ҷумҳуриявӣ бахшида ба Рӯзи байналмилалии муҳити зист барои дарёфти мукофоти раиси Кумитаи ҳифзи муҳити зисти назди Ҳукумати Ҷумҳурии Тоҷикистон дар мавзуи “Ҳифзи пиряхҳои Тоҷикистон - омили сабзу хуррамгардонии шаҳру деҳоти кишвар” дар байни хонандагони муассисаҳои таҳсилоти миёнаи умумии шаҳр озмуни ҷумҳуриявӣ аз рӯи 6 номинатсия “Расми беҳтарин”, “Шеъри беҳтарин”, “Ҳикояи беҳтарин”, “Видеоролики беҳтарин” дар байни хонандагони муассисаҳои таҳсилоти миёнаи умумии шаҳри Ҳисор  баргузор гардида санаи 15 майи соли 2023 озмуни мазкур ҷамъбаст гардид. Дар сатҳи ҷумҳуриявӣ 4 нафар хонандагон сазовори дипломи дараҷаи 3 ва ҷойҳои ифтихорӣ гардиданд. 15 нафар хонандагоне, ки дар даври шаҳри ҷойҳои намоёнро ишғол  намуда буданд бо туҳфаҳо ва ифтихорномаҳои шуъба қадрдонӣ карда шуданд.

Ба 6- нафар собиқадорони шуъба ва 22- нафар кормандон, мудирони шуъба, директорони коллеҷу литсей, раисони ҷамоатҳои шаҳраку деҳот барои иштирок ва фаъолияти назарраси меҳнатӣ саҳм дар ободу зебогардонии шаҳр ва ҳифзи муҳити зист бахшида ба Рӯзи ҳифзи муҳити зист бо ифтихорномаву туҳфаҳо қадрдонӣ шуданд.