Сафари озмоишии иштирокчиёни ҷаласаи ҳавзавии Фонди глобалии экологӣ барои кишварҳои Осиёи Марказӣ, Озарбойҷон ва Швейтсария – 2023 ба вилояти Хатлон               

                                          

Санаи 20 майи соли 2023 сафари озмоишии иштирокчиёни ҷаласаи ҳавзавии Фонди глобалии экологӣ барои кишварҳои Осиёи Марказӣ, Озарбойҷон ва Швейтсария – 2023 ба ноҳияи Муъминободи вилояти Хатлон баргузор гардид.

Зимни сафари озмоишӣ иштирокчиён аз боғҳои интенсивӣ дар ноҳияи Муъминобод, ки дар доираи Лоиҳаи Барномаи Рушди Созмони Милали Муттаҳид ва Фонди глобалии экологӣ «Нигоҳдорӣ ва истифодабарии устувори экосистемаҳои Памиру-Олой ва Тён-Шон барои нигоҳдории бабри барфӣ, ва устувории некуаҳволии ҷамоаҳо» бунёд шудаанд, дидан намуданд.

Хотиррасон мешавем, ки чорабинии болозикр аз 18 то 20 майи соли ҷорӣ баргузор гардида, дар он намояндагони вазорату идораҳои дахлдори кишварҳои Осиёи Марказӣ, Озарбойҷон, Швейтсария ва созмонҳои байналмилалӣ ширкат варзиданд.