Маросими пӯшидашавии ҷаласаи ҳавзавии Фонди глобалии экологӣ (GEF) барои кишварҳои Осиёи Марказӣ, Озарбойҷон ва Швейтсария – 2023           

                                          

19 майи соли 2023 дар меҳмонхонаи "Ҳилтон" маросими пӯшидашавии ҷаласаи ҳавзавии Фонди глобалии экологӣ барои кишварҳои Осиёи Марказӣ, Озарбойҷон ва Швейтсария – 2023 бо иштроки намояндагони Кумитаи ҳифзи муҳити зисти назди Ҳукумати Ҷумҳурии Тоҷикистон, роҳбари Дафтари Швейтсария оид ба ҳамкорӣ дар Тоҷикистон, намояндагони кишварҳои болозикр ва Фонди глобалии экологӣ баргузор гардид.

Зимни маросими пӯшидашавии ҷаласаи мазкур намояндагони Фонди Глобалии Экологӣ ба Ҷумҳурии Тоҷикистон ҷиҳати дар сатҳи баланд баргузории чорабинии мазкур изҳори сипос намуда, боварии хешро вобаста ба таҳкими муносибатҳои Фонди мазкур ва Тоҷикистон дар самти ҳифзи гуногунии биологӣ, агробиологӣ, тағйирёбии иқлим ва амнияти биологиро байён намуданд. 

Бояд қайд намуд, ки чорабинии мазкур бо дастгирии Ҳукумати Ҷумҳурии Тоҷикистон аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон ва дар якҷоягӣ бо Фонди глобалии экологӣ ташкил гардид.

Хотиррасон мешавем, ки чорабинии болозикр аз 18 то 20 майи соли ҷорӣ баргузор гардида, санаи 20 май сафари озмоишии иштирокчиён ба ноҳияи Муъминободи вилояти Хатлон ба нақша гирифта шудааст.