15 МАЙ — РӮЗИ БАЙНАЛМИЛАЛИИ МУҲОФИЗАТИ ИҚЛИМ       

                                          

Мувофиқи ҳисоби олимон дар ҳар як соат дар рӯйи Замин кариб 760 раъду барқ ба амал меояд. Сарфи назар аз афкори густурда, раъду барқ аз замин ба боло меравад, на аз осмон ба поён, борон бошад дорои витамини В12 мебошад. Ҳар сол тақрибан 10 миллион тонна нитроген дар рӯйи Замин раъду барқро ба вуҷуд меорад.

Ҳавои нам гармиро нисбат ба ҳавои хушк беҳтар нигоҳ медорад. Аз ин рӯ, ҳаво дар тропикҳои намнок назар ба биёбони хушк гармтар аст.

Дар конфронсе, ки моҳи декабри соли 2007 дар ҷазираи Бали аз ҷониби ҳукумати Индонезия баргузор шуд, намояндагони беш аз 190 кишвари ҷаҳон, нозирон аз ташкилотҳои байниҳукуматӣ, созмонҳои ғайриҳукуматӣ ва намояндагони ВАО ширкат доштанд. 15 декабри соли 2007 “Харитаи масири Бали” барои оғози музокирот оид ба созишномаи нав қабул шуд.

Конфронси декабрии Бали лаҳзаи кулминатсионии давраи таърихии дувоздаҳмоҳаи музокирот оид ба тағирёбии иқлим гардид. Дар изҳороти байналмилалии баимзорасида аз лидерони ҷаҳонӣ даъват ба амал оварда шуд, ки барои таҳияи сиёсат ва андешидани чораҳо оид ба фароҳам овардани имкониятҳо ба бахши тиҷорат ва саноат дар самти коҳиш додани партовҳои карбонӣ ва тағирёбии иқлим иқдом намоянд.

Илми муосир дар мавриди имкон ва замони тағйири якбора ва фалокатовари иқлим дар сурати афзоиши минбаъдаи ҳарорат посухҳои дақиқ намедиҳад. Бо вуҷуди ин, амалиёти саривақтӣ ва фаъол оид ба коҳиш додани оқибатҳои тағирёбии иқлим хароҷоти марбут ба раванди мутобиқшавиро ба таври назаррас кам мекунад.

Баргузор гаштани конфронси минтақавии иқлимӣ аз соли 2018 дар яке аз шаҳрҳои кишварҳои Осиёи Марказӣ ба ҳукми анъана даромадааст. Соли 2018 аввалин конфронси иқлимӣ дар шаҳри Алмаатои Ҷумҳурии Қазоқистон баргузор гардида буд. Рӯзи 15 майи соли 2023 бахшида ба Конфронси 5-уми иқлимии Осиёи Марказӣ дар пойтахти Тоҷикистон – шаҳри Душанбе, ки рӯзҳои 16 ва 17 май баргузор мегардад, нишасти матбуотӣ доир гардид. Дар конфронс коршиносону мутахассисон барои ҳаллу фасли масъалаҳои бисёри ҳалталаби вобаста ба иқлим иқдом карданд. Чунин ҳамоишҳо ва муколамаҳо  барои ноил шудан ба амалӣ гардидани ҳадафҳои .ниҳоӣ  мусоидат менамояд.