Дар ҷаласаи навбатии ҳарҳафтаинаи Кумита                 

                    

                                                                

10 майи соли ҷорӣ таҳти раёсати раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон ҷаласаи навбатии Кумита ва зерсохтори он дар ҳафтаи аз 2 то 5 майи соли 2023 баргузор гардид.

Тибқи тартиби кори ҷаласа оид ба натиҷаҳои фаъолияти сарраёсатҳо, раёсат, шуъбаю бахшҳо ва муассисаю марказҳои системаи Кумита дар ҳафтаи болозикр сардори Раёсати мониторинг, сиёсати экологӣ, обуҳавошиносӣ ва кадастр Шукуров И. бо маърӯзаи таҳлилӣ баромад намуд.

Сипас, раиси Кумита Шерализода Баҳодур оид ба фаъолияти бонизом ва сифатноки ҳамаи сохторҳои мақомоти соҳавӣ ибрози андеша намуда, ҳамзамон аз тарафи раиси Кумита фаъолияти ҳафтаи ҳисоботӣ натиҷагирӣ карда шуда, барои ҳафтаи навбатӣ супоришҳо дода шуд.