Бунёди боғи фарҳангию фароғатӣ дар майдони 2 га дар ноҳияи Мурғоб                                       

Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А. Раиси гурӯҳи кории Ҳукумат оид ба иҷрои корҳои ободонию сохтмонӣ дар ноҳияи Мурғоби ВМКБ оид ба омодагӣ ба ҷаласаи сазовор пешвоз гирифтани 35-солагии таъсисёбии Истиқлолияти давлатии Ҷумҳурии Тоҷикистон зимни сафари навбатии худ ба ин мавзеъ дар бунёди боғи фарҳангию фароғатӣ бо масоҳати 2 гектар дар даромадгоҳи ноҳияи Мурғоб иштирок намуд. Раиси Кумита якҷоя бо раиси ВМКБ, раиси ноҳияи Мурғоб ва дигар кормандони мақомоти иҷроияи ҳокимияти давлатии вилоят ва ноҳия, сокинони ноҳияи Мурғоб дар шинондани 1500 бех навниҳолҳои хуч, ангат ва беди сафеди шуғнонӣ, ки дар маҳалҳои аҳолинишини ҷамоати деҳоти Мурғоб иштирок намуданд.

Бояд гуфт, ки ноҳияи Мурғоб яке аз дурдасттарин минтақаҳои ҷумҳурӣ маҳсуб мешавад, ки дар солҳои истиқлолияти давлатии Ҷумҳурии Тоҷикистон симои худро ба куллӣ дигар кардааст. Корҳои бунёдкорию созандагӣ бо мақсади сазовор истиқбол гирифтани Ҷашни 35-солагии Истиқлолияти давлатии Ҷумҳурии Тоҷикистон тибқи нақшаҳои пешбинигардида идома доранд.