Корҳои фаҳмондадиҳӣ дар доираи иҷрои Барномаи экологӣ                     

                                                                

Дар доираи иҷрои “Барномаи давлатии маҷмӯи рушди тарбия ва маърифати экологии аҳолии Ҷумҳурии Тоҷикистон барои солҳои 2020 – 2025” аз ҷониби шуъбаи ҳифзи муҳити зисти ноҳияи Рӯдакӣ дар давоми моҳи марти соли 2023 дар муассисаҳои таҳсилоти умумӣ ва ҷамоатҳои шаҳраку деҳоти ноҳия корҳои фаҳмондадиҳӣ гузаронида шуд.

Аз ҷумла, вохӯриҳо байни коргарони ҷамоатҳои шаҳраки Навобод, Мирзо Турсунзода ва ҷамоати деҳоти Чоряккорон, инчунин дар муассисаи таҳсилоти умумии №66 дар байни омӯзгорону хонандагон бо ташаббуси мутахассисони шуъба ташкил карда шуд.

Дар ҷараёни баргузории вохӯрӣ иттилоъ дода шуд, ки баланд бардоштани маърифат ва тарбияи экологии аҳолӣ, равнақи корҳои ободонию созандагӣ, ниҳолшинонӣ ва дар баргузории аксия, ҳашарҳои экологӣ саҳмгузорӣ намуда, нисбати гулу гиёҳ ва сарватҳои табии нигоҳи хайрхоҳона дошта, дӯстдори асили муҳити зисти хеш бошанд.