Семинари навбати дар ш. Ваҳдат                 

                                                                

Тибқи нақша-чорабиниҳои Кумитаи ҳифзи муҳити зисти назди Ҳукумати Ҷумҳурии Тоҷикистон, шуъбаи ҳифзи муҳити зист дар шаҳри Вахдат ва Вазорати маориф ва илми Ҷумҳурии Тоҷикистон 6 апрели соли ҷорӣ дар толори Коллеҷи омори ш. Ваҳдат бахшида ба 20-солагии омӯзиш ва рушди фанҳои табиатшиносӣ, дақиқ ва риёзӣ дар мавзуи “Байналмилали шудани ҳифзи пиряхҳо” семинари илмӣ-назариявӣ бо иштироки васеи донишҷӯёну омӯзгорон баргузор гардид.

Дар кори семинар сармутахассиси шуъбаи ҳифзи муҳити зист дар шаҳри Ваҳдат Солиҳзода Саидирфон Қутбиддин ширкат намуда, оид ба ҷойгоҳ ва ҳифзи пиряхи калонтарин “Федченко”, аз ҷумла ҳифзи захираҳои табиӣ ва оқилона истифода бурдани онҳо баромад намуд. Қайд карда шуд, ки боиси ифтихор, хушбахтиву сарбаландист, ки соҳаи ҳифзи муҳити зист зери таваҷҷуҳи хоссаи Ҷаноби Олӣ муҳтарам Эмомалӣ Раҳмон қарор дорад ва аз соли 2003 то инҷониб, пайваста пешниҳодҳоро дар СММ иқдом мегиранд, ки хушбахтона аз тарафи зиёди давлатҳои узви СММ пазируфта мешавад.

Иқтибосҳо аз Конститутсияи Ҷумҳурии Тоҷикистон оварда шуд, ки ҳифзи муҳити зист вазифаи ҳар як шаҳрванди ватандуст мебошад.

Дар рафти семинар аз тарафи устодону донишҷӯёни коллеҷ дар мавзуъҳои “Ҳифзи пиряхҳо наҷотбахши миллат”, “Таъсири гармшавии иқлим ва обшавии пиряхҳо” ва “Кишвари ташаббускор дар ҳалли мушкилоти обу иқлим” маърузаҳо сурат гирифта, аз ҷониби иштирокдорон хуб пазируфта шуд.