Аксияи “Тозагии соҳил 2023” дар Резервати биосферии Ромит              

Тибқи дастуру супоришҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва нақша-чорабиниҳои шуъбаи ҳифзи муҳити зист дар шаҳри Ваҳдат, дар сатҳи баланд ҷашн гирифтани Наврӯзи байналмилалӣ ва боз ҳам зебову тоза нигоҳ доштани муҳити зист 17 марти соли 2023 дар Резервати биосферии Ромит аксияи “Тозагии соҳил” баргузор гардид.

Дар аксияи мазкур кормандони резерват фаъолона иштирок намуда, ду соҳили дарёро аз ҳама гуна партовҳо тоза намуда, ба партовгоҳи расмӣ интиқол доданд. Зикр карда шуд, ки тозагии муҳити зист вазифаи доимии ҳар як шаҳрванди ватандӯст мебошад ва боиси ҷалби сайёҳон мегардад, ки муаррифгари Ҷумҳурии Тоҷикистон дар саросари ҷаҳон мебошад.