Ярмака – фурӯши ниҳол ва кӯчату тухмии гулу зироатҳо дар шаҳри Хуҷанд

                                                                

Дар партави дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилоят ташкил ва баргузор намудани ярмарка – фурӯши ниҳол ва гулу буттаҳо ба ҳукми анъана даромада, ҳамасола аз ҷониби сохторҳои масъул ин чорабинӣ дар сатҳи баланд гузаронида мешавад.

Тибқи амри Раиси вилояти Суғд «Дар бораи гузаронидани ярмарка – фурӯши ниҳол, кӯчату тухмии гулу зироатҳо», санаҳои 24 - 26 феврали соли ҷорӣ ярмаркаи мазкур дар саҳни Театри мазҳака ва мусиқии ба номи Камоли Хуҷандии шаҳри Хуҷанд баргузор гардид. Аз ҷониби шахсони масъули Сарраёсати ҳифзи муҳити зист дар вилоят дар асоси нақшаи чорабиниҳо оид ба гузаронидани намоиш ва ярмаркаи мазкур корбарӣ амалӣ гардида, дар он аз тарафи сохторҳои шаҳру ноҳияҳои вилоят, ташкилоту идораҳои соҳаи кишоварзӣ ва аҳолӣ, ҳамагӣ 1 миллиону 20 ҳазор бех ниҳолҳои гуногун, аз ҷумла 360 ҳазор бех мевадиҳанда, 100 ҳазор ороишию сояафкан, 560 ҳазор бех гулу гулбуттаҳо ба боғпарварону сокинони вилоят пешниҳод карда шуд. Дар чорабинӣ сарраёсат ва зерсохторҳои он аз шаҳру ноҳияҳо фаъолона иштирок намуда, ба аҳолӣ ниҳолҳои дарахтони ороишию ҳамешасабз ва сояафкан пешниҳод намуданд.