Баргузории аксияҳои экологӣ дар ноҳияи Шаҳритус

4 феврали соли ҷорӣ дар ҳудуди кӯчаи Гирдогирди ҷамоати шаҳраки Шаҳритуси ноҳияи Шаҳритус аксияҳои экологии “Тозагии маҳал”, “Тозагии соҳил” ва “Тозагии роҳ” ташкил ва гузаронида шуд. Дар аксия кормандони муассисаи давлатии роҳҳои автомобилгард, афсарону сарбозони қисми ҳарбӣ ва аҳолии ҷамоати ноҳияи мазкур бо теъдоди зиёда аз 200 нафар ҷалб карда шуданд.

Дар рафти баргузории чорабиниҳои экологӣ соҳили дарёи Кофарниҳон, шафати роҳи автомобилгарди самти ҷамоати деҳоти ба номи Талбак Садриддинови ноҳия ва маҳалли аҳолинишини кӯчаи Гирдогирди ҷамоати шаҳраки Шаҳритус аз ҳар гуна партовҳо тоза карда шуданд. Бо мақсади беҳдошти саломатӣ ва риояи гигиенаи шахсӣ аз ҷониби кормандони бахши ҳифзи муҳити зист дар ноҳияи Шаҳритус ба иштирокчиёни аксия барои ҷамъоварии партовҳо аз соҳили дарёи Кофарниҳон ва шафати роҳи автомобилгард халтаҳои яккарата зиёда аз 100 адад,100 адад ниқобҳои яккарата ва дастпӯшакҳои яккарата зиёда аз 100 адад дастрас карда шуд.

Партовҳои дар рафти аксияи экологӣ ҷамъоваришуда дар ҳаҷми зиёда аз 8 куб бо воситаи техникаи махсуси боркаш ба партовгоҳи расмии ноҳияи Шаҳритус интиқол дода шуд.